Gwersylla a Theithio
Ymgollwch yng Ngolygfeydd Ysblennydd Eryri.
Gwersylla yn Eryri
Mae Rhyd y Galen yn cynnig profiad gwersylla heb ei ail. Wedi'i amgylchynu gan Eryri, mae'r safle'n cynnig llety ar gyfer carafanau teithiol, pebyll, pebyll to, pebyll trelar, faniau gwersylla a charafanau modur gyda chyfleusterau modern a glân.
Ymgollwch ym myd natur a mwynhewch antur gwersylla, gyda naws gwirioneddol heddychlon i lonyddu'r meddwl.
Y Maes Gwersylla
Mae lleiniau glaswellt a lleiniau caled ar gyfer carafanau modur ar gael yn ein maes gwersylla, gydag ychydig o leiniau gwastad ar gael ger y cyfleusterau toiled a chawod hygyrch, er mwyn sicrhau mynediad hwylus i'r cyfleusterau i ymwelwyr ag anableddau. Mae'r holl gyfleusterau toiled a blociau cawodydd wedi eu goleuo'n dda drwy gydol y nos.
Mae ein lleiniau yn hael o ran maint, gyda lle parcio wrth ymyl eich uned. Yn ogystal, mae gennym 5 llain pabell ddiarffordd gyda lle parcio gerllaw. Mae siop filltir i ffwrdd yn y pentref lleol yn gwerthu hanfodion a chaffi hefyd (Y Bedol, Bethel).
Cyfleusterau
Mae ein maes gwersylla yn dod gyda phopeth sydd ei angen arnoch i fwynhau eich amser yn Eryri yn ddi-drafferth:
- Darperir goleuadau LED lefel isel ledled y parc.
- Cysylltiadau trydan 16-amp.
- Pwynt gwaredu cemegau wedi'i leoli'n gyfleus.
- Darperir dŵr a draeniad ar bob llain â gwasanaeth.
- Darperir rhif ffôn cyswllt ar gyfer ymholiadau.
- Mae wardeiniaid yn byw ar y safle er eich diogelwch a'ch hwylustod.
- Siop yn gwerthu hanfodion a chaffi yn y pentref, Bethel.
- Archfarchnadoedd Tesco, Morrisons, Spar ac Asda yng Nghaernarfon.
- Bloc toiledau a chawodydd
- Bloc cawod a thoiled hygyrch
- Mannau golchi llestri a golchi dillad.
- Wi-Fi am ddim ledled y parc.
- Pwynt gwefru EV 40kw
- Gwasanaeth bws lleol wrth fynedfa'r safle.
- Tacsis lleol ar gael.
Our Reviews
Darllenwch rai o adolygiadau ein cwsmeriaid blaenorol
Cwestiynau Cyffredin - Gwersylla a Theithio
Beth yw'r amseroedd cyrraedd ac ymadael?
Am leiniau teithio a gwersylla, mae cyrraedd ac ymadael am 12 hanner dydd. Ar gyfer y Cwt Bugail, mae cyrraedd o 1:00yp ac ymadael erbyn 11:00yb. Os ydych chi angen trefnu amser ychydig yn wahanol, gadewch i ni wybod ac fe wnawn ein gorau i helpu.
Ydych chi'n derbyn pebyll?
Ydym, mae croeso i bebyll o bob maint, gan gynnwys pebyll to. Gadewch i ni wybod maint bras eich pabell wrth archebu er mwyn i ni ddyrannu'r llain gywir i chi.
Ydych chi'n derbyn pebyll to?
Ydym, rydym yn derbyn pebyll to.
Ydych chi'n derbyn carafanau a charafanau modur?
Rydym yn yn darparu ar gyfer carafanau, carafanau modur a RVs. Dylech roi dimensiynau eich cerbyd wrth archebu a chysylltu â ni os oes gennych uned fwy, er mwyn cadarnhau bod llain addas ar gael.
Ydych chi'n derbyn RVs?
Ydym, mae gennym ychydig o leiniau addas ar gyfer RVs. Cysylltwch â ni er mwyn cadarnhau argaeledd fel y gallwn ddarparu llain addas ar eich cyfer.
Oes gennych chi leiniau caled?
Oes, mae lleiniau caled ar gael ar y safle.
Oes lleiniau â gwasanaeth llawn ar gael?
Oes, mae gennym leiniau â gwasanaeth llawn gyda dŵr, draeniad a thrydan 16 amp.
Ydych chi'n cynnig lleiniau tymhorol?
Ydym, mae gennym leiniau tymhorol â gwasanaeth llawn gyda thrydan a Wi-Fi wedi'u cynnwys.
Oes cysylltiadau trydan ar gael?
Oes, mae gennym leiniau â chysylltiadau trydan 16 amp ar y safle, sy'n darparu tua 3kW ar unrhyw adeg. Sylwer na ellir defnyddio'r cysylltiadau hyn i wefru ceir trydan. Mae gwefru cerbydau trydan ar gael drwy ddefnyddio'r pwynt gwefru 40 kW yng Nghae Crwn gerllaw. Gofynnwch am lain â chysylltiad trydan wrth archebu, er mwyn sicrhau argaeledd.
Oes gennych chi bwynt gwefru ceir?
Oes, mae gennym bwynt gwefru cerbydau trydan 40kW ar y safle. Bydd angen i chi lawrlwytho app Project EV Pro i'w ddefnyddio.Sylwer na ellir defnyddio'r pwyntiau cysylltu trydan i wefru cerbydau.
Oes pwynt gwagio dŵr gwastraff ar gael ar gyfer cartrefi modur?
Oes, mae pwynt gwagio y gallwch yrru drosto ychydig i lawr o'r giat tuag at y bloc cawod gwyrdd.
Ydych chi'n caniatau tanau gwersyll?
Ydym, rydym yn caniatau tanau, ar yr amod eu bod oddi ar y ddaear a mewn pwll tân. Gellir llogi pyllau tân o'r dderbynfa os nad oes gennych chi un eich hun. Mae coed tân hefyd ar werth yn y dderbynfa. Peidiwch byth â gadael tân heb neb i'w wylio a gwnewch yn sicr ei fod wedi ei ddiffodd yn llwyr cyn mynd i'r gwely.
Galla i ddefnyddio barbeciw ar fy safle?
Gallwch, mae barbeciws yn cael croeso. Defnyddiwch stand barebeciw uchel a pheidiwch â gosod offer poeth yn uniongyrchol ar y glaswellt nac ar y meinciau picnic. Gwnewch yn siwr fod y golosg i gyd wedi oeri'n llwyr cyn ei waredu.
Peidiwch â Rhuthro Adref
Peidiwch â rhuthro adref ar ddiwedd eich gwyliau. Rydym yn cynnig opsiwn aros yn hwyr ar eich diwrnod gadael. Am £5 ychwanegol gall gwesteion aros tan 5pm (os oes lle). Gofynnwch i'r wardeiniaid ar eich diwrnod gadael am argaeledd.
Os oes gennych unrhyw gwestiynau pellach, cysylltwch â ni, a byddwn yn fwy na pharod i roi unrhyw wybodaeth sydd ei hangen arnoch.
